އިންފްރާސްޓްރަކްޗާ އިންޑިއާގެ ދެވަނަ ކުންފުންޏަކަށް އެފްކޮންސް
ތިލާމާލެ ބްރިޖާއި އައްޑޫ ސީޓީގެ މަގުތަކުގެ މަސައްކަތާ ހަވާލުވެފައިވާ އިންޑިއާގެ އެފްކޮންސްއިން ރާއްޖޭގައި ކުރާ މަސައްކަތްތަކަށް ރާއްޖޭގައި ފާޑު ކިޔުން. ވަރަށް ބޮޑަށް އަމާޒުވެފައި އޮވެ އެވެ.
މަޖައްލާއަކުން ހެދި ސާވޭއެއްގައި އިންޑިއާގައި އިންފްރާސްޓްރަކްޗާ ތަރައްގީ ކުރާ ކުންފުނިތަކުގެ ތެރެއިން އެ ގައުމުގައި ދެވަނަ އަށް އެންމެ ކުރި އަރާފައިވާ އަދި މަގުބޫލު ކުންފުންޏަކަށް އެފްކޮންސް ހޮވައިފި އެވެ.
އިންޑިއާގެ ވަރަށް ވަރަށް މަޝަހޫރު މަޖައްލާއެއް ކަމަށްވާ "ކޮންސްޓްރަކްޝަން ވީކް" މަޖައްލާއިން އެންމެ މަގޫބުލު ރިއެލްއެސްޓޭޓް ކުންފުނިތަކާއި އިންފްރާސްޓްރަކްޗާ ކުންފުނިތައް ހޮވި އިރު، އިންފްރާ ކެޓަގަރީގައި ދެވަނަ ހޯދާފައި ވަނީ ރާއްޖޭގެ ތިލަމާލެ ބްރިޖް ޕްރޮޖެކްޓާއި އައްްޑޫގެ މަގުތައް ހެދުމުގެ މަސައްކަތާ ވެސް ހަވާލު ވެގެން އޮތް އެފްކޮންސް އެވެ.
އެއްވަނައިގައި އޮތީ ލާސެން އެންޑް ޓާބޯ އެވެ. ތިން ވަނައިގައި ޓާޓާ ޕްރޮޖެކްޓްސް އެވެ. ހަތަރު ވަނައިގައި ޖީއެމްއާރް ކުންފުންޏެވެ. މީގެ ތެރެއިން ޓާޓާއަކީ މިހާރު ވެސް ރާއްޖޭގައި ޕްރޮޖްކެޓް ހިންގާ ބައެކެވެ. ޖީއެމްއާރްއަކީ ކުރީން ރާއްޖޭގެ އެއާޕޯޓު ހިން ކުންފުންޏެކެވެ.
އެފްކޮންސްގެ ބޮޑެތި ބައެއް މަޝްރޫއު:
- 1.ޖައްމު، ކަޝްމީރްގައި އެޅި ޗެނަބް ރޭލް ބްރިޖު
- 2.ހިމާޗަލް ޕްރަދޭޝްގައި އެޅި ދުނިޔޭގެ އެންމެ ދިގު ހައިވޭ ޓަނަލް
- 3.ކޮލްކަޓާގައި އެޅި އިންޑިއާގެ ފުރަތަމަ ކަނޑުއަޑީގެ ޓަނަލް
- 4.ކެރަލާގައި އެޅި އިންޑިއާގެ އެންމެ ދިގު ރޭލު މަގު
- 5.ޗެންނާއީގައި ހެދި އިންޑިއާގެ ބިމުއަޑީގެ އެންމެ ބޮޑު މެޓްރޯ ސްޓޭޝަން
- 6.ނިއުދިއްލީގައި އެޅި އިންޑިއާގެ ބިމުއަޑީގެ ފުރަތަމަ މެޓްރޯ ސްޓޭޝަން
- 7.އޮމާނާއި ހުޅަނގު އެފްރިކާ އާއި ގެބޮންގައި އެޅި ބަނދަރު.
- 8.ގާނާގައި ހިންގި ރޭލްވޭ ޕްރޮޖެކްޓް
ކޮމެންޓް
Republic of Maldives