މަޓާޓޯ ކަންބޮޑުވުން | ވިކުނީ 51 ޕަސެންޓް އެނދު، އަށްމަހުގެ އާމްދަނީ ފަސް ގުނަ ދަށް
މަޓާޓޯއިން ބުނީ މި އަހަރު 160 މިލިއަން ޑޮލަރު (ދެ ބިލިއަން ރުފިޔާ) ޓޫރިޒަމަށް ގެއްލިގެން ގޮސްފައިވާ ކަމަށް، މިއީ ބޮޑު ކަންބޮޑުވުމެއް ކަމަށް އެ ޖަމިއްޔާއިން ބުނެފައިވެ އެވެ.
މި އަހަރުގެ މިހާތަނަށް ވިކިފައި ވަނީ ޓޫރިޒަމް އެނދުގެ 51 ޕަސެންޓް ކަމަށާ، މި އަހަރުގެ މިހާތަނަށް ޓޫރިޒަމް އާމްދަނީ ފަސް ޕަސެންޓް ގެއްލިފައިވާ ކަމަށް ބުނެ، މަޓާޓޯއިން ކަންބޮޑުވުން ފާޅުކޮށްފި އެވެ.
ރާއްޖޭގެ ޓްރެވަލް އެޖެންޓުގެ ޖަމިއްޔަ، މަޓާޓޯއިން ސިލްސިލާކޮށް ނެރެން ފަށާފައިވާ މަންތްލީ ރިޕޯޓުގެ މި މަހުގެ އަދަދުގައިވާ ގޮތުން މިހާރު ރާއްޖޭގެ ޓޫރިޒަމަށް ދިމާވެފައިވާ އެންމެ ބޮޑު ގޮންޖެހުމަކީ ޓޫރިސްޓުން އިތުރުވި ނަމަވެސް ޓޫރިސްޓު އެނދު ވިކުނު އަދަދު މަދުވެ އާމްދަނީ ދަށްވުން ކަމަށް ވެސް ބުނެފައިވެ އެވެ.
- މިހާރު ހުރީ 62،822 އެނދު، ވިކުނު އަދަދަކީ 51 ޕަސެންޓުގަ
- އަށް މަހު ލިބިފައިވަނީ 2.6 ބިލިއަން ޑޮލަރު (40 ބިލިއަން ރުފިޔާ) ގެ އާމްދަނީ
- ޓޫރިޒަމް މި އަހަރު ވަނީ 160 މިލިއަން ޑޮލަރު (ދެ ބިލިއަން ރުފިޔާ) ގެ ގެއްލުންވެފަ
"... ހޭދަކުރާ މުއްދަތު ކުރުވުމަކީ ރާއްޖޭގެ ޓޫރިޒަމަށް ކަންބޮޑުވުމެކެވެ. އަދި ހޭދަކުރާ މުއްދަތު ކުރުވެ އައިސްފައިވާ ބަދަލުން ރާއްޖޭގައި ޓޫރިސްޓުން އެވަރެޖްކޮށް ހޭދަ ކުރަމުންދިޔަ މުއްދަތު ވެސް ވަނ،ީ ކުރިޔާ އަޅާބަލާއިރު ދަށަށް ގޮސްފަ އެވެ،" މަޓާޓޯއިން ބުނެފައިވެ އެވެ.
އެ ޖަމިއްޔާއިން ބުނީ މައިގަނޑު ހޯދުންތަކަށް ބަލާއިރު ވަރަށް ބޮޑު އަހައްމިއްޔަތުކަމެއް ދީގެން ލިބެމުން އައި އާމްދަނީ އަނބުރާހޯދާ ކުރިޔަށްވުރެ އާމްދަނީ އިތުރުކުރަން ޖެހިފައިވާ ކަމަށެވެ.
ކޮމެންޓް
Republic of Maldives