މި ސަރުކާރުން ފައިސާ ނުދީގެން ލައިފް ސޭވިން އޮޕަރޭޝަނެއް ލަސްވި

ސަރުކާރުން ދޭން ޖެހޭ ފައިސާ ނުލިބި ހުރުމުން މުހިންމު މެޑިކަލް ސާމާނާއި އާލާތް ނުގެނެވި މުހިންމު އޮޕަރޭޝަނެއް ލަސްކުރަން ދާދި ފަހުން ޖެހުނުކަމަށް އޭޑީކޭގެ ވެރިޔާ، އަހުމަދު ނަޝީދު ވިދާޅުވެއްޖެ އެވެ. 

އިންތިހާބީ ރައީސް ވިޔަފާރިވެރިންނާ ބައްދަލު ކުރައްވަން ބޭއްވި ހަފުލާއެއްގައި ބައިވެރި ވަޑައިގެން ވާހަކަފުޅު ދައްކަވަމުން އޭޑީކޭ ކުންފުނީގެ ވެރިޔާ - އޭޑީކޭ ނާޝިދު ވިދާޅުވީ ސަރުކާރުން އެކިއެކި ކޮންޓްރެކްޓަރުންނަށް ދޭން ޖެހޭ ފައިސާ ވަރަށް "ފަލަ" ކަމަށެވެ. އޭގެ ސަބަބުން އެކި ސިނާއަތްތަކަށް ބުރޫ އަރަމުންދާ ކަމަށެވެ. 

"މީގެ ސަބަބުން އަޅުގަނޑުމެން ކުރަމުން އަންނަ މަސައްކަތް ހުއްޓި. ސަޕްލަޔަރުންނާއި އަޅުގަނޑުމެންނާމެދު އޮތް ކޮންފިޑެންސް ގެއްލި ވަރަށް ބޮޑެތި ގޮންޖެހުންތައް މިހާރު ކުރިމަތިވަމުން ދަނީ. ހެލްތު ކެއާ އިންޑަސްޓްރީއަށް ބަލާނަމަ ބައެއްކަހަލަ ވައިޓަލް ސަޕްލައި ހުއްޓުނު. މި ދޭތެރެއިން އަޅުގަނޑުމެން ކުރަން ޖެހުނު ލައިފް ސޭވިން ސާޖަރީއެއް ޑިލޭވެގެން ދިޔަ! މީހަކު ގޮސް އެ ތަކެތި ގަނެގެން އައިސް އެ ސާޖަރީ ކުރަން ޖެހޭ ހިސާބަށް ދިޔަ،" ރާއްޖޭގެ އެންމެ ބޮޑު ޕްރައިވެޓް ހޮސްޕިޓަލުގެ ވެރިޔާ ވިދާޅުވި އެވެ. 

ކުރިން ރައްޔިތުން މަޖިލީހުގެ މެންބަރުކަން ވެސް ކުރެއްވި ނާޝިދު ވިދާޅުވީ އިންތިހާބީ ރައީސް ޑރ. މުއިއްޒުގެ ރައީސްކަމުގެ ހުވާ ކުރެއްވުމަށް ފަހު އެފަދަ ކަންކަން ވަރަށް ސީރިޔަސް ކަމެއްގެ ގޮތުގައި ބައްލަވައި ދެއްވަން ޖެހޭނެ ކަމަށާ، އެއީ ސަރުކާރުން ޕްރައިވެޓް ސެކްޓަރަކަށް ދޭން ޖެހޭ ފައިސާގެ ކަންކަން ކަމަށެވެ. 

"ކޮންޓްރަކްޝަން އިންޑަސްޓްރީ އާއި އެހެނިހެން އިންޑަސްޓްރީތަށް އޮތީ ވަރަށް ހާލަތުގައި. އެކަން ހައްލު ކޮށްދެއްވާނެ ކަމަށް އުންމީދު ކުރަން،" ނާޝިދު ވިދާޅުވި އެވެ.