ތުލުސްދޫ ދާއިރާ މެންބަރު ނަސީމް ޕީއެންސީއަށް ސޮއި ކުރައްވައިފި
ނަސީމް ގުޅި ވަޑައިގަތުމުން މަޖިލިސް 19 އި ގައި މިވަގުތު ކޮންގްރެސް ޕާޓީގެ ފަސް މެންބަރުން ތިއްބަވާނެ އެވެ. އެ ޕާޓީގެ ޕީޖީ ލީޑަރަކީ އާދަމް ޝަރީފެވެ.
ރައްޔިތުންގެ މަޖިލީހުގައި ތުލުސްދޫ ދާއިރާ ތަމްސީލު ކުރައްވާ މިހާތަނަށް މިނިވަން މެންބަރެއްގެ ގޮތުގައި ހުންނެވި އިބްރާހީމް ނަސީމް ޕީއެންސީ / ކޮންގްރެސް ޕާޓީއަށް ސޮއި ކުރައްވައިފި އެވެ.
މެންބަރު ނަސީމް ކޮންގްރެސް ޕާޓީއަށް ސޮއި ކުރެއްވުމަށް ފަހު ޕާޓީގެ ޗެއާޕާސަން އަބްދުއް ރަހީމަށް އޭނާގެ ފޯމް ވަނީ ހަވާލު ކުރައްވާފަ އެވެ. މިއީ އެ ޕާޓީގެ ޓިކެޓްގައި ވާދަ ކުރައްވާ ޑރ. މުހައްމަދު މުއިއްޒު ރިޔާސީ އިންތިހާބު ކާމިޔާބު ކުރެއްވި ފަހުން އެ ޕާޓީއާ ގުޅި ވަޑައިގަންނަވާ މަޖިލީހުގެ ފުރަތަމަ މެންބަރެވެ. ނަމަވެސް އަޑުތައް ފެތުރިފައިވާ ގޮތުގައި އެމްޑީޕީއަށް ނިސްބަތްވެ ވަޑައިގަންނަވާ މަޖިލީހުގެ އިތުރު މެންބަރުންތަކެއް ވެސް ވަރަށް އަވަހަށް ކޮންގްރެސް ޕާޓީއާ ގުޅި ވަޑައިގަންނަވާނެ އެވެ.
މިހާރު މަޖިލީހުގައި ޕީއެންސީ ތަމްސީލް ކުރައްވަނީ މާވަށު ދާއިރާގެ މެންބަރު މުހައްމަދު ސައީދާއި މަޑުއްވަރީ ދާއިރާގެ މެންބަރު އާދަމް ޝަރީފާއި ފެލިދޫ ދާއިރާގެ މެންބަރު ފަޒުލް ރަޝީދެވެ. ދެން ހިމެނި ވަޑައިގަންނަވަނީ ނައިބު ރައީސް ކަމަށް އިންތިހާބުވެ ވަޑައިގެންފައިވާ ފަރެސް މާތޮޑާ ދާއިރާގެ މެންބަރު ހުސައިން މުހައްމަދު ލަތީފެވެ.
ނަސީމް ގުޅި ވަޑައިގަތުމުން މަޖިލިސް 19 އިގައި މިވަގުތު ކޮންގްރެސް ޕާޓީގެ ފަސް މެންބަރުން ތިއްބަވާނެ އެވެ. އެ ޕާޓީގެ ޕީޖީ ލީޑަރަކީ އާދަމް ޝަރީފެވެ.
ކޮމެންޓް
Republic of Maldives