ހުވަހަންދޫ ކައިރީ ލޯންޗު އެކްސިޑެންޓެއްވެ، އެކަކު މަރުވެއްޖެ
ކަނޑުމަތީ އެކްސިޑެންޓް ގައި މަރުވެފައި ވަނީ ހއ އިހަވަންދޫ ނަޔާޑޭޒީ އަބުދުއްރަޝީދު މުހައްމަދު އެވެ.
ހުވަހަންދޫ ކައިރީ ލޯންޗަކާއި ދޯންޏެއް ޖެހި ހިނގި ނުރައްކާތެރި އެކްސިޑެންޓެއް ގައި މީހަކު މަރުވެއްޖެ އެވެ.
ކަނޑުމަތީ އެ އެކްސިޑެންޓް ގައި މަރުވެފައި ވަނީ ހއ. އިހަވަންދޫ ނަޔާޑޭޒީ، އަބުދުއްރަޝީދު މުހައްމަދު އެވެ.
ފުލުހުން ބުނީ ހުވަހަންދޫ ކައިރީ ލޯންޗަކާއި ދޯންޏެއް ޖެހި އެކްސިޑެންޓެއް ހިނގާފައިވާ ކަމަށެވެ. އެކްސިޑެންޓްވީ އިރު ދޯނީގައި ތިބީ ދެ މީހުނެވެ. އެއީ އެ ހާދިސާގައި މަރުވި އަބްދުއްރަޝީދުއާ އޭނާގެ ދަރިފުޅެވެ.
ދެ އުޅަނދު ޖެހި އަބްދުއްރަޝީދު ކަނޑަށް ވެއްޓުނެވެ. އޭނާ ނެގީ އެ ހަބަރު ލިބިގެން އިހަވަންދޫ އިން އައި ބައެކެވެ.
ފަރުވާ އަށް ހޮސްޕިޓަލަށް ގެންދިޔައިރުވެސް ވަނީ މަރުވެފައެވެ. ދޯނީގައި ދެން ހުރި މީހާއަށް ބޮޑު އަނިޔާއެއް ލިބިފައެއް ނުވެއެވެ.
ފުލުހުން ބުނީ އެކްސިޑެންޓްގައި ތިން މީހަކަށް އަނިޔާވި ކަމަށެވެ.
ކޮމެންޓް
ހާދަ ދެރައޭ
Republic of Maldives