މަޖިލީހުގެ މާލޭގެ ދާއިރާއަކަށް މުއިއްޒު ކުރިމަތިލައްވަނީ
އޭނާއަކީ ރައީސް މައުމޫން އަބްދުލް ގައްޔޫމްގެ ދައުރުގައި 17 އަހަރު ދުވަހުގެ މަސައްކަތުން ހަދައި ދައުލަތުގެ ހުރިހާ ބާރެއް ރައީސް މައުމޫނަށް އޮންނަ ގޮތަށް ފާސް ކުރި ނޫ ގާނޫނު އަސާސީ ފާސް ކުރަން ވޯޓް ނުދެއްވި ދެ މެންބަރުންގެ ތެރެއިން އެކެކެވެ.
ރައްޔިތުންގެ މަޖިލީހުގެ މެންބަރު ކަމަށް ކުރިމަތިލެއްވުމަށް، ކުރިން ދެ ފަހަރެއްގެ މަތީން ރައްޔިތުންގެ ހާއްސަ މަޖިލީހުގެ ތިލަދުންމަތީ ދެކުނު ބުރި / ހއ. ގެ މެންބަރުކަން ކުރެއްވެވި އަހުމަދު މުއިއްޒު މަސައްކަތް ފައްޓަވައިފި އެވެ.
ގާނޫނީ ވަކީލު / ބާ ކައުންސިލްގެ މެންބަރު އަދި ކުރީގެ ޖިނާއީ ކޯޓްގެ އިސް ގާޒީ ކަމާއި ޕްރޮސެކިއުޓާ ޖެނެރަލްގެ މަގާމާއި ބަންޑާރަ ނައިބު އޮފީހުގެ އިސް ގިނަ މަގާމުތަކެއް ފުރުއްވެވުމާއެކު ދައުލަތަށް ގިނަ ހިދުމަތްތަކެއް ވެސް ކޮށްދެއްވާފައިވާ މުއިއްޒު މިއަދު ވިދާޅުވީ "ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި މާލޭގެ ދާއިރާއެއްގެ މެންބަރު ކަމަށް ކުރިމަތިލުމުގެ ވިސްނުން އެބަ ގެންގުޅެން" ކަމަށެވެ.
އެހެން ނަމަވެސް "މަޖިލީސް 20" ގައި އޭނާ ކުރިމަތިލައްވަނީ މާލޭގެ ކޮން ދާއިރާއަކަށް ކަމެއް ވިދާޅެއް ނުވެއެވެ. އޭނާ އަކީ ޕާޓީ ފިކުރާ ދުރުގައި އުޅުއްވަވާ ބޭފުޅެކެވެ. އޭނާ ވާދަ ކުރައްވާނެ ކަމަށް ބެލެވެނީ މިނިވަން މެންބަރެއްގެ ގޮތުގަ އެވެ.
ހއ. ހަތިފުއްޓަށް ނިސްބަތްވެ ވަޑައިގަންނަވާ މުއިއްޒަކީ މާލޭޝިއާ އާއި މޯލްޓާއިން ކިޔަވާ ވިދާޅުވި ބޭފުޅެކެވެ. އަދި އޭނާއަކީ ރައީސް މައުމޫން އަބްދުލް ގައްޔޫމްގެ ދައުރުގައި 17 އަހަރު ދުވަހަށް ދިގު ދަންމާލައިގެން ހަދައި ދައުލަތުގެ ހުރިހާ ބާރެއް ރައީސް މައުމޫނަށް އޮންނަ ގޮތަށް ފާސް ކުރި ނޫ ގާނޫނު އަސާސީ ފާސް ކުރަން ވޯޓް ނުދެއްވި ދެ މެންބަރުންގެ ތެރެއިން އެކެކެވެ. އޭނާއާއެކު ދެން ނޫ ގާނޫނުއަސާސީއަށް ވޯޓް ނުދެއްވީ މާލޭ މެންބަރު އެކްސްރޭ އަހުމަދު އާތިފެވެ.
މުއިއްޒުގެ ބައްޕާފުޅާއި ކާފާފުޅަކީ ވެސް ރައްުޔިތުންގެ މަޖިލީހުގައި ފާހަގަ ކޮށްލެވުުނު އަދި ސަރުކާރުތައް ޖަވާބުދާރީ ކުރުވާން އަޑު އުފުއްލެވި ދެ ބޭފުޅުނެވެ. މުއިއްޒުގެ ކޮއްކޯފުޅު އަބްދުﷲ މުއިއްޒު ބަންޑާރަ ނައިބުކަން ކުރެއްވެވި އިރު މުއިއްޒު ހުންނެވީ ޕީޖީގެ މަގާމުގަ އެވެ.
ނޫސްވެރި ކަމަށް ވަރަށް ބޮޑު ޝައުގުވެރިކަމެއް ދެއްވައި އަދި "އައްޑުވަސް" މަޖައްލާ ސިޔާސީ މަޖައްލާއެއްގެ ގޮތުގައި ހިންގެވި މުއިއްޒު ފަހަކަށް އައިސް އެންމެ ބޮޑަށް ފާހަގަ ވެފައި ވަނީ އެމްއެމްޕީއާރްސީގެ ހިޔާނާތުގެ މައްސަލާގައި ދައުލަތަށް ގެއްލިފައިވާ ފައިސާ އާއި އެ ފައިސާގައި ޖެހުނު ވަގުންނަށް އަދަބު ނުދެވޭތީ އަޑު އުފުއްލަވާތީ އެވެ.
ކޮމެންޓް
މުޅި ގައުމުގަ ހުރިހާ ތާކު މުއިޒް. ދެން ކީކޭ ކިޔާނީ. މަ ހީކުރީ ރައީސްކަން ދޫކޮށްލީ ކަމަށް. ފޮޓޯ ފެނުނީމަ މި ކިޔާލީ ވެސް
Republic of Maldives