"ނަފްސާނީ ދުޅަހެޔޮކަމުގެ ހައްގު ކަށަވަރު ކޮށްދޭން ސިޔާސަތު ބައްޓަން ކުރާނަން"
އިންތިހާބީ ރައީސް ވިދާޅުވި ގޮތުގައި ނަފްސާނީ ދުޅަހެޔޮ ކަމަކީ، ކޮންމެ ރައްޔިތަކަށްމެ ކަށަވަރު ކޮށްދޭން ޖެހޭ އަސާސީ ހައްގެކެވެ. މިއީ އެ މަނިކުފާނުގެ ކެމްޕޭންގައި ކުރިންވެސް ވިދާޅުވެފައިވާ ވާހަކަފުޅެކެވެ.
ނަފްސާނީ ދުޅަހެޔޮ ކަމުގެ ހައްގު ކޮންމެ ރައްޔިތަކަށް ކަށަވަރު ކޮށްދެވޭ ގޮތަށް ސަރުކާރުގެ ސިޔާސަތުތައް ބައްޓަން ކުރައްވާނެ ކަމަށް އިންތިހާބީ ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ. -- އެ މަނިކުފާނުގެ ރިޔާސީ ދައުރު ފަށާނީ އަންނަ ނޮވެމްބަރު މަހުގެ 17 ވަނަ ދުވަހު އެ މަނިކުފާނު ރައީސުލްޖުމްހޫރިއްޔާ ކަމުގެ ހުވާ ކުރެއްވުމުންނެވެ.
ނަފުސާނީ ދުޅަހެޔޮ ކަމުގެ ދުވަހާ ގުޅުވައި އެ މަނިކުފާނު މިއަދު އެކްސް މެދުވެރިކޮށް ވިދާޅުވީ ނަފްސާނީ ދުޅަހެޔޮ ކަމަކީ، ކޮންމެ ރައްޔިތަކަށްމެ ކަށަވަރު ކޮށްދޭން ޖެހޭ އަސާސީ ހައްގެއް ކަމަށެވެ.
އަދި މި މޭމެރުމުން އެ މަނިކުފާނު ލިޔުއްވެވި އެވެ:
"މި އަސާސީ ހައްގު ކަށަވަރުކޮށް ދެވޭނީ، ހަމަޖެހޭ ދުޅަހެޔޮ ވެއްޓެއް ގާއިމުކުރުމާ އެކު، އެއްވެސް ހުރަހެއް ނެތް، ނަފްސާނީ ފަރުވާ އާއި އެހީތެރިކަން ފަހިކޮށް ދީގެންނެވެ. އަޅުގަނޑުގެ ސަރުކާރުގައި މި މަގަށް ސިޔާސަތުތައް ބައްޓަން ކުރާނަމެވެ."
ދުނިޔޭގައި ނަފުސާނީ ދުޅަހެޔޮ ކަމުގެ ދުވަހުގެ ގޮތުގައި ފާހަގަ ކުރަނީ އޮކްޓޫބަރު މަހުގެ 10 ވަނަ ދުވަހެވެ.
ކޮމެންޓް
Republic of Maldives