އެމްފައިސާ މެދުވެރިކޮށް ފަލަސްތީނަށް އެހީވެވޭނެ
އިޒުރޭލުން މިހާރު ފަލަސްތީނުގައި ހިންގަމުންދާ ޢުދުވާނު ތަކުގައި އެތައް ސަތޭކަ ބަޔަކު ވަނީ ޝަހީދުވެފަ އެވެ. އަދި އެތަކެއް ޢާއިލާ ތަކެއް މަގުމަތިވެފަ އެވެ.
އުރީދޫގެ "އެމްފައިސާ" ހިދުމަތް މެދުވެރިކޮށް ފަލަސްތީނުގެ މުސްލިމުންނަށް ފައިސާގެ އެހީ ފޯރު ކޮށްދެވޭނެ ގޮތް އުރީދޫން ހަމަޖައްސައިދީފި އެވެ.
އުރީދޫއިން ބުނީ އެމްފައިސާ މެދުވެރިިކޮށް ހަދިޔާކުރާ ފައިސާގެ އެހީ ފޯރު ކޮށްދޭނީ އިންޓަނޭޝަނަލް އެއިޑް ކެމްޕެއިން މެދުވެރިކޮށް ކަމަށެވެ.
ފައިސާ ހަދިޔާ ކުރާނަމަ އެމްފައިސާއަށް ލޮގިން ވުމަށްފަހު ސްމާޓް ޕޭ ސެލެކްޓްކޮށް ކިއުއާރްކޯޑް ސްކޭން ކުރުމާއެކު ހަދިޔާ ކުރަން ބޭނުންވާ އަދަދު ޖެހުމަށްފަހު ފައިސާ ހަދިޔާ ކުރެވެ އެވެ.
އުރީދޫއިން ބުނީ ހުރިހާ ނެޓްވޯކެއްގެ ކަސްޓަމަރުންނަށް ވެސް އެމްފައިސާ މެދުވެރިކޮށް ފަސޭހަކަމާއެކު އެ ފުރުސަތު އޮންނާނެ ކަމަށެވެ.
އިޒުރޭލުން މިހާރު ފަލަސްތީނުގައި ހިންގަމުންދާ ޢުދުވާނު ތަކުގައި އެތައް ސަތޭކަ ބަޔަކު ވަނީ ޝަހީދުވެފަ އެވެ. އަދި އެތަކެއް ޢާއިލާ ތަކެއް މަގުމަތިވެފަ އެވެ.
ކޮމެންޓް
Republic of Maldives