ޗެލްސީން ލުކާކޫ ފޮނުވާލައި ސްޓާލިން ގެންނަނީ
ޗެލްސީގެ ފޯވާޑް ބެލްޖިއަމްގެ ރޮމެލޫ ލުކަކޫ ދޫކޮށްލުމަށް ފަހު މެންޗެސްޓާ ސިޓީގެ އިނގިރޭސި ފޯވަޑް ރަހީމް ސްޓާލިން ގެންދަން ޗެލްސީ މަސައްކަތް ކުރަން ފަށައިފި އެވެ. އެނގިފައިވާ ގޮތުގައި ރަހީމް ސްޓާލިން އަކީ ޗެލްސީގެ އާ ވެރިޔާއަށާއި ކޯޗް ތޯމަސް ޓުހޫލް އަށް ވަރަށް ކަމުދާ ކުޅުންތެރިއެކެވެ.
ޗެލްސީގެ ފޯވާޑް ބެލްޖިއަމްގެ ރޮމެލޫ ލުކަކޫ ދޫކޮށްލުމަށް ފަހު މެންޗެސްޓާ ސިޓީގެ އިނގިރޭސި ފޯވަޑް ރަހީމް ސްޓާލިން ގެންދަން ޗެލްސީ މަސައްކަތް ކުރަން ފަށައިފި އެވެ. އެނގިފައިވާ ގޮތުގައި ރަހީމް ސްޓާލިން އަކީ ޗެލްސީގެ އާ ވެރިޔާއަށާއި ކޯޗް ތޯމަސް ޓުހޫލް އަށް ވަރަށް ކަމުދާ ކުޅުންތެރިއެކެވެ.
ލޯނެއްގެ ގޮތުގައި ލުކާކޫ ހޯދަން އެންމެ ބޭނުންވެގެން އުޅެނީ އޭނާ ކުރިން ކުޅެމުން އައި އިޓަލީގެ އިންޓަ މިލާނެވެ. ޗެލްސީ އަށް ސްޓާލިން ގެންދެވޭނީ ލުކަކޫ އިންޓަ މިލާނަށް ލޯން ކޮށްގެނެވެ. އެ މަޝްވަރާތައް ޗެލްސީ އާއި އިންޓަ މިލާންއާ ދެމެދު ކުރިއަށްދާ ކަމަށްވެއެވެ. އަނެއްކޮޅުން ސްޓާލިން، ސިޓީއާއެކު ހަދާފައި އޮތް އެއްބަސްވުން އަލެއް ނުކުރެ އެވެ. ލުކަކޫގެ ކުރިމަގާ މެދު ޗެލްސީގެ ވެރިޔާ އާއި ޗެލްސީގެ ކޯޗާ ދެމެދު މަޝްވަރާތައް ބާއްވާފައި ވެސް ވެއެވެ.
ސްޓާލިން ވަނީ މެންޗެސްޓަ ސިޓީގައި ގިނަ ކާމިޔާބީތަކެއް ހޯދައިފައެވެ. މިދިޔަ ސީޒަންގައި 47 މެޗު ސިޓީއަށް ކުޅެދީ، 17 ގޯލް ވަނީ ޖަހައިފައެވެ. އެކަމަކު، ސިޓީގެ ކޯޗު ޕެޕް ގާޑިއޯލާގެ ޕްލޭންގައި މިހާރު ސްޓާލިންގެ ރޯލް ކުޑަ އެވެ.
ކޮމެންޓް
Republic of Maldives