ޓައިވާނުން ސަބްމެރީނެއް އުފައްދާ ދައްކާލައިފި

ޗައިނާއިން ދީފާނެ ހަމަލާއަކުން ދިފާއު ވުމުގެ މަސައްކަތް ވަރުގަދަ ކުރުމުގެ ޕްރޮގްރާމެއްގެ ތެރެއިން ޓައިވާނުން އެ ގައުމުގައި އަމިއްލައަށް އުފެއްދި ފުރަތަމަ ސަބްމެރިން ދައްކާލައިފި އެވެ. އަމިއްލަ އުފެއްދުމެއް ކަމަށް ބުނި ނަމަވެސް މިއީ އެމެރިކާގެ ފުރިހަމަ އެހީތެރި ކަމެކެވެ. 

މިއަދު ހެނދުނު މި ސަބްމެރީން ދައްކާލީ ބަނދަރު ސިޓީ ކައޯސިއުންގްގައި ބޭއްވި ރަސްމިއްޔާތެއްގަ އެވެ. ސަބްމެރީން ދައްކާލުން އިފްތާހުކޮށް ދެއްވީ ޓައިވާނުގެ ރައީސް ސާއި އިންގްވެން އެވެ.

"ތާރީހީ ގޮތުން މި ދުވަސް އަބަދަށްޓަކައި ހަނދާން ހުންނާނެ،" ޓައިވާންގެ ދިދައިގެ ނިޝާން ޖަހާފައިވާ އުސް ސަބްމެރިންގެ ކުރިމަތީގައި ހުއްޓި ވަޑައިގަންނަވަމުން ސާއި އިންގްވެން ވިދާޅުވި އެވެ.

އެކަމަނާ ވިދާޅުވީ ޓައިވާނުން ސަބްމެރިންއެއްގެ އުފެއްދުމުގެ ހިޔާލަކީ ކުރިން ނުކުރެވޭނެ ކަމެއްގެ ގޮތުގައި އޮތް ކަމެއް ކަމެއް ކަމަށެވެ. 

"އެކަމަކު އަޅުގަނޑުމެން އެކަން ކުރިން" 

ޓައިވާންގެ މި ސަބްމެރިން އަކީ 1.54 ބިލިއަން ޑޮލަރު ގެ ޑީސަލް - ކަރަންޓުން ދުއްވޭ ސަބްމެރީނެކެވެ. ގިނަ ޓެސްޓްތަކެއް ހަދައި، 2024 ވަނަ އަހަރު ނިމޭއިރު ކަނޑުގެ ސިފައިންނަށް ފޯރުކޮށްދެވޭނެ އެވެ. 

ޓައިވާނުގެ ސަބްމެރީނަށް "ހައިކުން" އަށް ނަން ދީފައި ވަނީ ޗައިނާގެ އަދަބިއްޔާތުގެ ތެރޭގައި ބޭނުން ކުރާ އުދުހޭ ބޮޑު މަހެއްގެ ނަމުންނެވެ.  

މި ސަބްމެރީނާ ގުޅިގެން ޗައިނާއިން އަދި ވާހަކަ ދައްކައި ބަޔާން ނެރެ ހަދާފައެއް ނުވެއެވެ. ނަމަވެސް މިއީ ކުރިންސުރެ މިކަން ހިނގާ ގޮތް ޗައިނާ ރަނގަޅަށް ދެނެހުރި ކަމެކެވެ. 

ޓައިވާނުން މި ސަބްމެރިީން އުފައްދާ ދައްކާލި އިރު ކުރިއަށް އޮތް ދެތިން އަހަރެއްހާ ދުވަހުގެ ތެރޭގައި އަސްކަރީ ގޮތުން އަރައިގަތުމުގެ ގާބިލްކަން ޗައިނާ ހޯދާފައި ވެއެވެ. އަދި އަސްކަރީ ގޮތުން އަރައިގަތުމުގެ އެ ހަމަލާ ޗައިނާއިން ދޭނެ ކަމަށް ޗައިނާ އެމެރިކާ އަބަދުވެސް ދަނީ ބުނަމުންނެވެ. 

އެމެރިކާއިން އެހެން ބުނާއިރު ޑިމޮކްރެޓިކް އިދާރީ ތަރުތީބެއް އޮތް ޓައިވާނަކީ ޗައިނާގެ "މުގައްދަސް ބިންކޮޅެއް" ކަމަށް ޗައިނާ އަބަދުވެސް ބުނެ އެވެ. އެ ތާރީހެއް އޮތް ކަމެކެވެ. އެ ކަމަކީ ޗައިނާގެ ސިޔާދަތާއި އިސްތިގުލާލާ ގުޅިފައިވާ މައްސަލައެއް ކަމަށާއި އެކަން ކޮޅެއްގައި ޖައްސާނެ ކަމަށް ޗައިނާ ބުނާއިރު ޗައިނާއިން ޓައިވާނު ވަށައި ބަލަބަލާ އޮންނަ އޮތުން ހިނދުކޮޅަކަށް ވެސް ކުޑައެއް ނުކުރެ އެވެ. 

ޓައިވާނުގައި އަމިއްލައަށް ވެރިކަމެއް ހިންގި ނަމަވެސް ޗައިނާއިން ދެކެނީ އެއީ ވަޒަނުން އަމިއްލައަށް ނެއްޓި "މަޣުފުރެދިފައިވާ ޕްރޮވިންސެ"އްގެ ގޮތުގަ އެވެ. ޗައިނާގެ އަބަދުގެވެސް ވައުދަކީ ޓައިވާނު އަނބުރާ އަލުން ހޯދުމެވެ. ތާރީހު އޮތް ގޮތުންނާއި ޗައިނާގެ ބާރާއި އިގްތިސޯދުގެ ބޮޑު ކަމާއި އަސްކަރީ ގާބިލު ކަމަށް ބަލާއިރު ކޮންމެވެސް ހިސާބެއްގައި ޓައިވާން ޗައިނާ ކޮޅަށް އެނބުރޭނެ ކަމަށް ބައިނަލްގަވާމީ ގޮތުން ދިރާސާ ކުރާ ފަރާތްތައް ބުނެ އެވެ. 

ބައިނަލްއަގުވާމީ ގިނަ އޮބްޒާވަރުން ގަބޫލުކުރާ ގޮތުގައި ޓައިވާނަށް ޗައިނާ ވަރަށް އަވަހަށް އަރައިގަންނާނެ ކަމަށް އެމެރިކާއިން ބުނަމުން ދިޔަ ނަމަވެސް ޗައިނާއިން އެފަދަ އަވަސް ހަމަލާއެއް ޓައިވާނަކަށް ނުދޭނެ އެވެ. އަސަކަރީ ގޮތުން އަރައިގަތުން އަވަހެއް ނުކުރާނެ އެވެ. އެއާ ހިލާފަށް ބެއިޖިން އިން ބަލާނީ ޓައިވާނާއެކު ސުލްހަވެރިކަމާއެކު މަސައްކަތެއްކޮށް އަލުން ޗާޓުގެ ތެރަށް ގެންދާށެވެ. އެ މަގަށް ޗައިނާ މަސައްކަތް ކުރާނެ އެވެ. 

ހަމަ އެއާއެކު ޓައިވާނުން ރަސްމީކޮށް މިނިވަންކަން އިއުލާންކޮށް ބޭރުގެ ތާއީދު ހޯދާން ނޫޅުމަށް ޗައިނާ އިންޒާރު ދެއެވެ. ޓައިވާން ސްޓްރެއިޓްގައި ކުރިއަށް ގެންގޮސްފައިވާ އަދި މިހާރުވެސް ހިންގާ އަސްކަރީ ޑްރިލްތަކުން ޓައިވާނަށް ޕްރެޝަރު ކުރުމަށް އިތުރަށް މަސައްކަތް ކުރަމުން އަންނައިރު ހަމަލާއެއް ނުދިން ނަމަވެސް ޗައިނާއިން އަބަދު ވެސް އޮންނަނީ ފާރަވެރި ކަމާއެކު ބަލަ ބަލައެވެ.

ޓައިވާނުގެ އަމާޒަކީ 10 ސަބްމެރިންގެ ފްލީޓެއް ހޯދުމެވެ. ޑޮމެސްޓިކް ސަބްމެރިން ޕްރޮގްރާމްގެ ވެރިޔާ އެޑްމިރަލް ހޫއަންގް ޝޫ ކުއަންގް މިދިޔަ ހަފްތާގައި ނޫސްވެރިންނަށް ވިދާޅުވި ގޮތުގައި އަމާޒަކީ ޗައިނާއިން ޓައިވާން ވަށއިލުމަށް ނުވަތަ ކަނޑުގެ ސިފައިންގެ ހިސޯރެއް ޖަހަން ކުރާ ކޮންމެ މަސައްކަތެއް ހުއްޓުވުމެވެ.

ޓައިވާން ސަބްމެރީނެއް ހޯދަނީ އެމެރިކާއާއި ޖަޕާނުގެ ސިފައިން ޓައިވާންގެ ދިފާއަށް އެހީތެރިވުމަށް އަންނަންދެން ވަގުތު ހޯދުމެވެ. ޓައިވާން އެހެން ބުނާއިރު މި މަސައްކަތުގައި ޓައިވާނަށް ވުރެ ބޮޑަށް ނަގާ ކިޔައި އުޅެނީ އެމެރިކާ އެވެ.