އޮމަދޫ ބަނދަރުގެ ބޮޑުބައި ނިންމައިފި

އދ. އޮމަދޫ ބަނދަރު ތަރައްގީ ކުރާ މަޝްރޫއުގައި އެއްގަމުތޮށި ލާން ބޭނުންވާ ސާމާނުގެ ދެވަނަ ޝިޕްމަންޓެއް ޕްރޮޖެކްޓް ސައިޓަށް ގެންގޮސްފި އެވެ. 

އެމްޓީސީސީން ބުނީ އެ ރަށުގެ ބަނދަދުގެ އެއްގަމު ތޮށީގައި ކޮންކްރީޓްގާ ޖެހުމުގެ މަސައްކަތުގެ 51 ޕަސެންޓް ނިމިފައިވާ ކަމަށެވެ.

މި މަޝްރޫއުގައި 49،765 ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި، 12،105 ކިއުބިކް މީޓަރުގެ ސަރަޙައްދެއްގެ ނެރު ފުން ކުރުމައި، 346 މީޓަރުގެ ސަރަހައްދެއްގެ އެއްގަމުތޮށި ލުމާއި، 398 މީޓަރުގެ ސަރަހައްދެއްގައި ރިވެޓްމަންޓް ޖެހުމާއި، 1،6470 އަކަ މީޓަރުގެ ސަރަހައްދެއްގައި ހާބަރު ޕޭވްމަންޓް ހެދުމާއި، ރޭމްޕެއް ހެދުމާއި، 150 މީޓަރުގެ ދިގު ދެ މީޓަރުގެ ފުޅާ ޖެޓީއެއް ހެދުމާއި، ނެރު ބައްތިއާއި ބަނދަރު ބައްތި ހަރުކުރުމުގެ މަސައްކަތް މި މަޝްރޫއުގައި ހިމެނެ އެވެ.

މި މަޝްރޫއަކީ 66.96 މިލިއަން ރުފިޔާގެ މަޝްރުއެކެވެ.