މުޅި ރާއްޖޭގައި ދޮރުން ދޮރަށް ހިނގުމުގެ ހަރަކާތް ހިންގަން ނިންމާފައިވަނީ މާދަމާ އެވެ. އެ ހަރަކާތް އޮންނާނީ މާދަމާ ހަވީރު ހަަތަރަކުން ހަޔަކަށެވެ.
ރިޔާސީ އިންތިހާބުގެ ކެމްޕެއިން ގައި ރައީސް އިބްރާހިމް މުހައްމަދު ސޯލިހަށް ތާއީދު އިތުރު ކުރުމުގެ ގޮތުން ދޮރުން ދޮރަށް ހިނގުމުގެ ބޮޑު ހަރަކާތެއް ބޭއްވުމަށް ނިންމައިފި އެވެ.
މުޅި ރާއްޖޭގައި ދޮރުން ދޮރަށް ހިނގުމުގެ ހަރަކާތް ހިންގަން ނިންމާފައިވަނީ މާދަމާ އެވެ. އެ ހަރަކާތް އޮންނާނީ މާދަމާ ހަވީރު ހަަތަރަކުން ހަޔަކަށެވެ.
ކެމްޕެއިން ޓީމުން ބުނީ އެމްޑީޕީއާ އަދާލަތު ޕާޓީއާ އެމްޑީއޭގެ އިސް ބޭފުޅުން މި ހަރަކާތުގައި ބައިވެރިވާނެ ކަމަށެވެ. ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި އެމަނިކުފާނުގެ ރަނިންމޭޓް މުހައްމަދު އަސްލަމް ވެސް ބައިވެރިވެވަޑައިގަންނަވާނެ އެވެ.
ރައީސް ސޯލިހް މިހާރު ގެންދަވަނީ ކޮންމެ ދުވަހަކު ހަވީރު މާލެ ސަރަހައްދުގައި ދޮރުން ދޮރަށް ހިންގަވަމުންނެވެ. މިއަދު ވިލިމާލެ އަށް ވަޑައިގެން އެ ރަށުގައި ދޮރުން ދޮރަށް ހިންގަވާފައިވެއެވެ.