ޑިމޮކްރެޓްސްގެ ޕީޖީ ލީޑަރަކަށް އާޒިމް

ދަ ޑިމޮކްރެޓްސްގެ ޕީޖީ ލީޑަރަކަށް އެ ޕާޓީގެ މަޖިލިސް މެންބަރު މެދު ހެންވޭރު ދާއިރާގެ، އާޒިމް އިންތިހާބު ކޮށްފި އެވެ. އެ މަގާމަށް އޭނާ އިންތިހާބު ކުރީ އެ ޕާޓީން މިއަދު ބޭއްވި އިންތިހާބުގަ އެވެ.

އާޒިމް ވަނީ އޭނާ ކުރިން ހުންނެވި އެމްޑީޕީގެ ޕީޖީ ގްރޫޕްގެ ލީޑަރުން ވެސް ކުރައްވާފަ އެވެ.  މިއަދު ޑެޕިއުޓީ ލީޑަރުންނަށް ހޮވީ މާފަންނު މެދު ދާއިރާގެ މެންބަރު އިބްރާހިމް ރަޝީދު (ބޮންޑެ) އާއި ގައްދޫ ދާއިރާގެ މެންބަރު އަހުމަދު ޒާހިރެވެ. އަމީންއާންމަކަށް ހޮވީ އިނގުރައިދޫ ދާއިރާގެ މެންބަރު އިބްރާޙިމް ވަހީދު (ވައްޑޭ) އެވެ. ވިޕަކީ މައްޗަންގޮޅީ އުތުރު ދާއިރާގެ މެންބަރު މުހައްމަދު ރަޝީދު (ބޯދިގު) އެވެ. 

އެތެރޭގެ މި އިންތިހާބުގައި މިއިން ކޮންމެ ބޭފުޅަކަށް ވެސް ލިބި ވަޑައިގަތީ 11 ވޯޓެވެ. 

ޑިމޮކްރެޓްސް އިން އެ ޕާޓީގެ ޕީޖީ ގުރޫޕްގެ މަގާމުތަކަށް ކުރިމަތިލާން ހުޅުވާލީ މި މަހުގެ 12 ވަނަ ދުވަހުގައެވެ. ވޯޓް ނެގީ މިއަދު އެވެ. އެ ޕާޓީގެ އެތެރޭގައި މި އިންތިހާބު ކުރިއަށް ގޮސްފައިވަނީ މިއަދު ހެނދުނު 10:00 އިން ފެށިފެން 11:00 އަށް ޕާޓީ އޮފީސް، ހ. މައިޒާންދޮށުގޭގަ އެވެ.

ވޯޓުލާފައިވަނީ ޕީޖީ ގްރޫލްގެ ލީޑަރަކު ހޮވުމަށާއި އެ ގްރޫޕަށް ދެ ޑެޕިއުޓީ ލީޑަރުން ހޮވުމަށާއި އަމީންއާންމާއި ވިޕުން ހޮވާށެވެ.