ބީއެމްއެލް އިން ލޯނު ދެނީ ބޭންކިން ގާނޫނާއި ގަވައިދުތަކާ އެއްގޮތަށް
ބީއެމްއެލްއަށް އަލަށް ކަނޑައަޅައެޅި އޮފިޝަލް ސްޕޯކްސް ޕާސަން މުހައްމަދު ސައީދު ވަނީ ފައިނޭންސް ދޫކުރާ އުސޫލުތަކާ ބެހޭ ގޮތުން ބައެއް ފަރާތްތަކުން ދައްކާ ވާހަކަތައް ދޮގު ކުރައްވާފަ އެވެ.
ބީއެމްއެލްގެ ފައިނޭންސް ދޫކުރަމުން ގެންދަނީ ބޭންކިން ގާނޫނާއި ބައިނަލްއަގުވާމީ އުސޫލުތަކާ އެއްގޮތުގެ މަތިން ކަމަށް ބީއެމްއެލްއަށް އަލަށް ކަނޑައަޅައެޅި އޮފިޝަލް ސްޕޯކްސް ޕާސަން މުހައްމަދު ސައީދު ވިދާޅުވެއްޖެ އެވެ.
ރާއްޖޭގެ ބައެއް އަމިއްލަ ކުންފުނިތަކާއެކު ސަރުކާރުން ސޮއިކުރި މަޝްރޫއުތަކުގެ ކޮންޓްރެކްޓަރުންނަށް ބޭންކް އޮފް މޯލްޑިވްސް އިން ފައިނޭންސް ދޫކުރަނީ ބޭންކިން ގާނޫނާ ޚިލާފަށްކަމަށް ފަތުރަމުންދާ ވާހަކަތަކަކީ އެއްވެސް އަސާސެއް ނެތި އަދި ސައްހަ މައުލޫމާތުގެ މައްޗަށް ބިނާކޮށް ދައްކަމުންދާ ވާހަކަތައް ދޮގު ކުރައްވައި ބީއެމްއެލްގެ ގިނަ ވަޒީފާ ތަކެއް އަދާ ކުރައްވަމުން ގެންދަވާ ސައީދު ވިދާޅުވި ގޮތުގައި ރާއްޖޭގެ ބޭންކިން ގާނޫނާއި ގަވާއިދުތަކާ އެއްގޮތަށެވެ.
"ބޭންކުން ލޯނުދޫކުރަމުން ދަނީ އަދި ކުރިޔަށް އޮތްތާގައި ލޯނު ދޫކުރަމުން ދާނީވެސް ދިވެހިރާއްޖޭގެ ބޭންކިން ގާނޫނާއި ގަވާއިދުތަކާ އަދި ބައިނަލްއަގުވާމީ މިންގަޑުތަކާ އެއްގޮތްވާ ގޮތުގެ މަތިން އެކުލަވާލެވިފައިވާ ބޭންކުގެ ކްރެޑިޓް ޕޮލިސީ ތަކާ އެއްގޮތަށް، މިނިވަންކަމާއެކު ބޭންކުގެ ބޯޑުން ނިންމާ ނިންމުންތަކުގެ ދަށުންނެވެ،" ސައީދު އެކްސްގައި ވިދާޅުވެފައިވެ އެވެ.
އޭނާ ވަނީ ސިޔާސީ މަގުސަދެއް ހާސިލްކުރުމަށްޓަކައި މި ބޭންކުގެ ކަސްޓަމަރުންނަށާއި ހިއްސާދާރުންނަށް އޮޅޭގޮތަށް ހަގީގަތާ ޚިލާފު މައުލޫމާތު ދިނުމަކީ ޒިންމާދާރުކަން ކުޑަ އަމަލެއްކަމުގައި ވިދާޅުވެފަ އެވެ. އަދި މިފަދަ ކަންކަން ތަކުރާރު ނުކުރުމަށް އިލްތިމާސްކުރައްވާފަ އެވެ.
ބީއެމްއެލްއިން ދަނީ ރައްޔިތުންނާ ގުޅުންހުރި ގިނަ ދާއިރާތަކުން މިފަހުން ބޮޑު ބަދަލެއް ގެނެސް އެހީތެރިވަމުންނެވެ. ސަރުކާރުގެ ސިޔާސަތުތަކާ އެއްގޮތްވާ ގޮތުގެ މަތިން ބޭންކުން ހިފަހައްޓާ ޕްރޮފެޝަނަލް އުސޫލުތަކުގެ މަތިން މިފަހުން ގެނެސްފައިވާ ބަދަލުތަކާއެކު ކުރިން ހުރި ގިނަ މައްސަލަތަކަށް ވަނީ ހައްލު ހޯދައިދީފަ އެވެ.
ކޮމެންޓް
Republic of Maldives