ވިޔަފާރި އުސޫލުން ހިއްކާ ތަންތަނުން ޑްރެޖިން ފީ ނަގާނީ ޑޮލަރުން
ސަރުކާރުން އަންދާޒާ ކުރަނީ ޑްރެޖިން ފީގެ ސަބަބުން ދައުލަތަށް 260 މިލިއަން ރުފިޔާގެ އާމްދަނީއެއް ލިބޭނެ ކަމަށެވެ.
ބޭންކިން ނިޒާމަށް ވަންނަ ޑޮލަރު އިތުރު ކުރުމުގެ ފިޔަވަޅެއްގެ ގޮތުން އަންނަ އަހަރުގެ ބަޖެޓަށް އާމްދަނީ ހޯދަން ނަގާ ޑްރެޖިން ފީ ދައްކަން ޖެހޭނީ ޑޮލަރުންނެވެ.
އަންނަ އަހަރުގެ ބަޖެޓުގައިވާ ގޮތުން އާމްދަނީ ހޯދަން ހުށަހަޅާފައިވާ ކަންތައްތަކުގެ ތެރޭގައި ވިޔަފާރި އުސޫލުން ހިއްކާ ރާއްޖޭގެ އެކި ތަންތަނުން ޑްރެޖިން ފީއެއް ނެގުން ހިމެނެ އެވެ. އަންދާޒާ ކުރެވެނީ އަހަރެއްގެ މައްޗަށް 16 މިލިއަން ޑޮލަރު ނުވަތަ 260 މިލިއަން ރުފިޔާ ލިބޭނެ ކަމަށެވެ.
ޑްރެޖިން ފީ ނަގާ ސަބަބު - ޑްރެޖިން ފީއެއް ނަގަން ނިންމީ ވެއްޔަކީ ގުދުރަތީ ވަސީލަތަކަށްވާ އިރު، ވެލި އުފެދުމަށް އެތައް ދުވަހެއް ނަގާތީ އެވެ. މީގެ އިތުރުން އެކަން ކުރުމުގައި މިހާރަށް ވުރެ ތިމާވެއްޓާ ރައްޓެހި ގޮތްތައް އިހުތިޔާރު ކުރުމަށް ވިޔަފާރި ތަކަށް ފުރުސަތު ދިނުމެވެ.
ރާއްޖޭގައި ގިނަ އަދަދެއްގެ ރިސޯޓް ތަރައްގީ ކުރުމާއި ރިސޯޓްތައް އަޕްގްރޭޑް ކުރަން އަބަދުވެސް ބިން ހިއްކުމުގެ މަސައްކަތް ކުރެ އެވެ. އަދި މިފަދަ މަޝްރޫއުތަކުން ތިމާވެއްޓަށް ބޮޑެތި ބަދަލުތަކެއް އާދެ އެވެ.
ކޮމެންޓް
Republic of Maldives