ޑެޕިއުޓީ ޕްރޮސެކިއުޓާ ޖެނެރަލް ސަމީރު އިސްތިއުފާ ދެއްވައިފި
ސަމީރު ޑެޕިއުޓީ ޕްރޮސިކިއުޓާ ޖެނެރަލްގެ މަގާމަށް އައްޔަނު ކުރީ މޭ 12، 2022 ގައެވެ.
ސަމީރު ވިދާޅުވީ އިސްތިއުފާ ދެެއްވުމުގައި ވަކި ހާއްސަ ސަބަބެއް ނެތް ކަމަަށެވެ. އިތުރު ތަފްސީލެއް ނުދެއްވަ އެވެ.
ޕީޖީ އޮފީހުން ވެސް ވަނީ ސަމީރު މަގާމުން އިސްތިއުފާ ދެެއްވާފައިވާ ކަން ހާމަކޮށް އެ އޮފީހަށް ކޮށްދެއްވި އަގުހުރި ހިދުމަތްތަކުގެ އަގު ވަޒަންކޮށް، ޕްރޮސިކިއުޓާ ޖެނެރަލާއި އެ އޮފީހުގެ މުވައްޒަފުން ޝުކުރު އަދާކުރާ ކަމަށް ބުނެފަ އެވެ.
ސަމީރު ޑެޕިއުޓީ ޕްރޮސިކިއުޓާ ޖެނެރަލްގެ މަގާމަށް އައްޔަނު ކުރީ މޭ 12، 2022 ގައެވެ.
ޕީޖީގެ މަގާމުގައި ކުރީން ހުންނެވި ހުސައިން ޝަމީމް، މަގާމުގެ ދައުރު ހަމަވާން ކުޑަ ދުވަސްކޮޅަކަށް ވެފައި ވަނިކޮށް މަގާމުން ވަނީ ދުރުކޮށްފަ އެވެ. މަޖިލީހުން ޝަމީމް ވަކިކުރީ، އެމަނިކުފާނަށް އަމާޒުކުރި ތުހުމަތުތަކަށް ފުރިހަމައަށް ޖަވާބުދާރީވެ އަމިއްލަފުޅަށް މަގާމުން އިސްތިއުފާ ދެއްވާފައި ވަނިކޮށެވެ.
ނަމަވެސް އެކަަމަށް ބެލުމެއް ނެތި އިސްތިއުފާގެ ސިޓީ ނުލިބޭ ކަމަށް ބުނެ މަޖިލީހުގައި ޕީއެންސީއަށް އޮތް ބާރުގެ ބޭނުންކޮށް ޝަމީމް މަގާމުން ދުރުކުރީ އެވެ.
ކޮމެންޓް
Republic of Maldives