ލުފްތަންސާ ކާގޯ ރާއްޖޭން ޔޫރަޕަށް ވައިގެ މަގުން ކާގޯ އުފުލަން ފަށައިފި
ސީ ޓު އެއާ ކާގޯގެ ހިދުމަތް ފެށީ މެއި މަހުގެ މި ވިޔަފާރި ދަނީ ރާއްޖޭގެ އިގްތިސޯދަށް ފައިސާ ލިބޭނެ ބޮޑު ވިޔަފާރިއަކަށް ބަދަލު ވަމުންނެވެ.
ވައިގެ މަގުން ކާގޯ އުފުލާ ދުނިޔޭގެ އެންމެ ބޮޑު އެއް އެއާލައިން ކަމަށްވާ ލުފްތަންސާ ކާގޯއިން ރާއްޖޭން ފެށި ސީ ޓު އެއާ ކާގޯގެ ވިޔަފާރީގައި ބައިވެރިވެއްޖެ އެވެ.
ލުފްތަންސާ އެއާލައިންގެ ކާގޯ އުފުލަން ހާއްސަ މައިންދާ ބޯޓެއް ވަނީ ރާއްޖޭން ޔޫރަޕަށް ގެންދަން ހުރި ކާގޯގެ ބޮޑު އަދަދެއް ގެންގޮސްފަ އެވެ. މިގޮތުން ސީ ޓު އެއާ ޓްރާންޝިޕްމަންޓް ކާގޯގެ ގޮތުގައި 10 މެޓްރިކް ޓަނުގެ ކާގޯ ވަނީ ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން އެމެރިކާއަށް ގެންގޮސްފަ އެވެ.
އެމްއޭސީއެލްގެ ހިސާބުތައް ދައްކާ ގޮތުން ކަނޑުގެ މަގުން ގެންނަ މުދާ ވައިގެ މަގުން ބޭރު ކުރުމުގެ ވިޔަފާރި ސީޓު އެއާ ކާގޯގެ ހިދުމަތް ފުޅާވެ ބޭރުކުރި މުދަލުގެ އަދަދު 700 ޓަނަށްވުރެ ވަނީ މަތިވެފަ އެވެ.
ރާއްޖޭން މުދާ ބޭރު ކުރާ ގައުމުތައް
- އިޓަލީ
- ޖަރުމަނު
- އެމެރިކާ
- އިނގިރޭސިވިލާތް
- ސްޕެއިން
- ރަޝިއާ
ސީ ޓު އެއާ ކާގޯ ހިނގާ ގޮތް
މި ވިޔަފާރި ރާއްޖޭގައި މިހާތަނަށް ކުރީ ވަރަށް ކުޑަކޮށެވެ. ސަބަބަކީ މި ވިޔަފާރި ކުރަން ސަރުކާރުގެ ގިނަ ކުންފުނިތަކާއި ވުޒާރާތައް ގުޅިގެން މަސައްކަތް ކުރަން ޖެހުނުނަމަވެސް އެކަން ނުވެ އޮތުމެވެ. މި ވިޔަފާރި ފަށަން ވާހަކަ ދެއްކިނަމަވެސް މިކަން ނުފެށި އޮއްވައި މިކަން ފަށާފައިވަނީ މި ސަރުކާރު އައިފަހުންނެވެ. މި ވިޔަފާރި ހިނގާ ގޮތަކީ ރާއްޖެ އަށް ކަނޑުމަގުން މުދާ އައުމުން ކޮންޓެއިނާ ހުރި ގޮތަށް ނުވަތަ އޭގައި ހުރި މުދާ ވަކިކޮށްގެން އެމްޕީއެލްގެ އެހީތެރިކަމާއެކު ވީއައިއޭ އަށް ގެންގޮސް އޭގެ މަންޒިލަށް ފޮނުވުމެވެ. މި މަސައްކަތުގައި ކަސްޓަމަސް އާއި އިމިގްރޭޝަން އަދި އެމްއޭސީއެލް އެއްކޮށް މަސައްކަތް ކުރެ އެވެ. ކަނޑުމަގުން ރާއްޖެ ގެންނަނީ ދުނިޔޭގެ ބޮޑެތި ފެކްޓްރީތަކުގެ މުދާ ޔޫރަޕަށް ގެންދަން ހުންނަ މުދަލެވެ. މި މުދަލަކީ ކަނޑުމަގުން ގެންދިއުން ލަސްވުމުގެ ސަބަބުން ލަސްވާ މުދަލެވެ.
ކޮމެންޓް
Republic of Maldives